ՆԱՏՕ-ն մտադիր չէ զինծառայողներ ուղարկել Ուկրաինա, Կիեւը դաշինքի մասնակիցներին այդ մասին չի խնդրել։ Այս մասին տեղեկացրել է ՆԱՏՕ գլխավոր քարտուղար Յենս Սթոլտենբերգը ANSA գործակալության հարցազրույցում։
«ՆԱՏՕ-ն Ուկրաինայում ուժեր տեղակայելու պլաններ չունի։ Երբ ես անցած շաբաթ հանդիպեցի Ուկրաինայի իշխանությունների հետ, նրանք այդ մասին չխնդրեցին»,- ասել է նա։
Մինչ այդ Corriere della Sera թերթը, հղում կատարելով փաստաթղթի նախագծին, տեղեկացրել էր, որ ՆԱՏՕ երկրները մտադիր են հայտարարել, որ հրաժարվում են իրենց զորքերն Ուկրաինա ուղարկելու գաղափարից Վաշինգտոնում հուլիսի 9-11-ին կայանալիք գագաթաժողովի ժամանակ։ Տեքստի համաձայն՝ «ոչ մի սապոգ հողի վրա» արտահայտությունը դառնալու է կարեւորներից մեկը փաստաթղթում։ Միեւնույն ժամանակ, բլոկը կշարունակի ամրացնել իր արեւելյան թեւը եւ մտադիր է մեծացնել կադրային կազմը տարածաշրջանում՝ հասցնելով 300 հազար զինվորականի, որոնք կարող են գործի դրվել Մերձբալթիկայից մինչեւ Բուլղարիա լեռնաշղթայի տարածքի երկայնքով, նշել է թերթը։