Հայաստանի արտգործնախարար Արարատ Միրզոյանը Բուդապեշտում Հունգարիայի արտաքին գործերի նախարար Մեթեր Սիյարտոյի հետ համատեղ ասուլիսում հաստատել է Ադրբեջանի հետ հարաբերությունների կարգավորման ուղղությամբ Երևանի քաղաքականությունը։
Նախարարը նշել է, որ Հայաստանի իշխանությունների «Խաղաղության խաչմերուկ» նախաձեռնությունը ենթադրում է տարածաշրջանի բոլոր հաղորդակցությունների ապաշրջափակում, ինչը կնպաստի ուղևորների և բեռների փոխադրմանը և ծառայությունների մատուցմանը։ Նույն համատեքստում Հայաստանը դիտարկում է Եվրոպային վերականգնվող էներգիայի մատակարարման ծրագրերին մասնակցելու հնարավորությունը։
«Գլխավոր երաշխիքը խաղաղությունն է։ Ես վերահաստատում եմ Հայաստանի հավատարմությունը տեւական խաղաղությանը։ Մենք ներգրավված ենք բանակցություններում, որոնց նպատակը երկարամյա հակամարտության վերջնական կարգավորումն է»,- նշել է նախարարը՝ թվարկելով այն սկզբունքները, որոնցով դա պետք է տեղի ունենա՝ տարածքային ամբողջականության փոխադարձ ճանաչում, սահմանների սահմանազատում՝ Ալմա Աթայի փաստաթղթի հիման վրա՝ ապաշրջափակելով հաղորդակցությունները։ Հուսով եմ, որ մոտ ապագայում արդյունքներ կգրանցվեն»,- հավելեց Միրզոյանը։
«Դուք տեղյակ եք, որ մենք գտնվում ենք մի գործընթացում, որը զգալիորեն մերձեցնում է Հայաստանն ու ԵՄ-ն։ Օրակարգում կա նախաձեռնությունների նոր փաթեթ, և մենք հույս ենք դնում նաև ԵՄ-ում Հունգարիայի նախագահության ընթացքում աջակցության վրա»,- նշել է Միրզոյանը։