Աշխարհի ամենահարուստ մարդկանցից մեկը՝ ամերիկացի միլիարդատեր Ուորեն Բաֆեթը, ահազանգ է հնչեցրել արհեստական բանականության առիթով՝ զգուշացնելով, որ դրա զարգացումը սպառնում է մեծացնել խարդախությունները՝ խաբեությունները դարձնելով ավելի համոզիչ, քան երբևէ, գրում է Business Insider-ը։
«Խարդախությունը միշտ եղել է ամերիկյան կյանքի մի մասը», - շաբաթ օրն ասել է հայտնի ներդրողը և Berkshire-ի գործադիր տնօրենն իր ընկերության բաժնետերերի տարեկան ժողովում:
Ըստ Բաֆեթի, արհեստական բանականության միջոցով ստեղծված պատկերներն ու տեսանյութերն այնքան համոզիչ են դարձել, որ գրեթե անհնար է որոշել՝ դրանք իրական են, թե ոչ։
«Երբ մտածում ես մարդկանց խաբելու հնարավորությունների մասին... եթե ես հետաքրքրված լինեի խաբեությամբ, դա կլիներ բոլոր ժամանակների ամենաարագ զարգացող արդյունաբերությունը», - ասել է նա:
Միլիարդատերը հիշել է, թե ինչպես է տեսել է իր մասին կեղծ տեսանյութը, որը խաբեբան օգտագործել է անծանոթներից կանխիկ գումար խնդրելու համար:
Բաֆեթը նաև արհեստական բանականության հայտնվելը համեմատել է ատոմային ռումբի ստեղծման հետ։
«Մենք ջինին բաց թողեցինք շշից, երբ միջուկային զենք էինք ստեղծում: Այս ջինը վերջերս սարսափելի բաներ է անում։ Նրա հզորությունը սարսափեցնում է ինձ: Արհեստական բանականությունը որոշ չափով նման է։ Երևի մենք կնախընտրեինք երբեք չտեսնել այս ջինին»,- ասել է նա։
