ՀՀ նախկին ՄԻՊ, «Թաթոյան» հիմնադրամի նախագահ Արման Թաթոյանը 168.am կայքի հետ հարցազրույցում պատասխանել է այն հարցին, թե արդյոք պատրաստվում է մտնել քաղաքականություն:
«Ես եկել եմ համոզման, որ այս բոլոր խնդիրների պատճառներն ի վերջո քաղաքական են: Այս բոլոր խնդիրները մենք ունենք այն պատճառով, որ տարվել է եւ տարվում է կոպիտ սխալներով քաղաքկանություն: Այդ քաղաքականությունը սկզբունքային առումով հակադրվումէ Հայաստանի եւ Հայաստանի քաղաքացու շահերին, բայց այն քաղաքական իշխանությունների շահերի տիրությում է:
Այսքանը գիտակցելով հանդերձ ես չեմ պատրաստվում անմասն մնալ եւ ավելին՝ պատրաստվում եմ իմ մասնակցությունը բերել այդ գործընթացին, ձեւաչափի հարցը քննարկման փուլում է: Հարցի իրականացման արդյունավետությունից ելնելով որոշումը կկայացվի»,-ասել է նա: