Փաիզում 57 ոստիկան տուժել է մայիսմեկյան ցույցի մասնակիցների հետ բախման հետեւանքով։ Այս մասին տեղեկացրել է BFMTV հեռուստաալիքը։

Հեռուստաալիքի տվյալներով՝ ցույցից հետո 35 մարդ բերման է ենթարկվել։ Ինչպես նշել է ալիքը, այս տարի մայիսմեկյան ցույցը ավելի հանգիստ է անցել, քան անցած տարի, երբ իրավակարգի պահապանները բերման էին ենթարկել 281 մարդու։

Աշխատավորների միջազգային օրվան նվիրված ցույցեր ամեն տարի կատարվում են ամբողջ Ֆրանսիայում։ Այս տարի, իշխանությունների տվյալների համաձայն, ամբողջ երկրում գրանցվել է 340 ակցիա, որոնց մասնակցել է 121 հազար մարդ (18 հազար Փարիզում)։ «Աշխատանքի համընդհանուր կոնֆեդերացիա» (CGT) արհմիությունն իր կողմից տեղեկացրել է 200 հազար ցուցարարների մասին, որոնցից 50 հազարը՝ մայրաքաղաքում։