Այսօր համացանցում հայտնվել է մի քանի օր առաջ կատարված տեսագրություն, որտեղ տավուշցի երկու տղամարդ պատմում են օրեր առաջ Կիրանցում ոստիկանների հետ բախման մասին: Նրանք պատմում են, թե ինչպես են բռնի ուժով բերման ենթարկվել:
Տավուշցի՝ Կարեն Ղազարյանը, որը սևբերետավորների կողմից ծեծի ենթարկված անձանցինց մեկն է, NEWS.am-ի հետ զրույցում պատմեց, որ ապրիլի 26-ին՝ սևբերետավորների և ոստիկանների հետ բախման ժամանակ ոստիկանները բռնի ուժի կիրառմամբ իրեն բերման են ենթարկել: Կարեն Ղազարյանը դեմքին և մարմնի տարբեր հատվածներում վնասվածքեր է ստացել:
Հիշեցնենք, որ ապրիլի 26-ին Կիրանցում բախումներ էին սկսվել ցուցարարների և ուժայինների միջև: Տավուշցիները շրջափակել էին ճանապարհով անցնել ցանկացող մեքենաներից մեկը, և պահանջում էին մեքենայի մեջ գտնվող անձանց՝ դուրս գալ: Նրանք ասում էին, որ իրենց տեղեկություններով, այդ մեքենայի մեջ քարտեզագրման աշխատանքներ իրականացնողներն են: