Սանկտ Պետերբուրգում բժիշկները պայքարում են զինկոմիսարիատի առջեւ ինքնահրկիզում կազմակերպած տղամարդու կյանքի համար։ Այս մասին տեղեկացրել է «Mash на Мойке» Թելեգրամ-ալիքը։
24-ամյա կրասնոյարսկցի տղամարդը հրկիզել է իրեն Լենինգրադի մարզի զինկոմիսարիատի բակում, Ֆոնտանկայի ափին մոտ։ Նրան անհապաղ հոսպիտալացրել են ծանր վիճակում։
Ռուսաստանցին վերականգնողական բաժանմունքում է եւ ունի մարմնի 90 տոկոս այրվածք, շոկ եւ 1-ին, 2-րդ ու 3-րդ աստիճանի այրվածքներ։ Նախնական տվյալներով՝ միջադեպից ոչ շատ առաջ տուժածը վիճել էր իր ընկերուհու հետ։ Այժմ բժիշկները փորձում են կայունացնել նրա վիճակը։