Չինաստանը կոչ է անում Միացյալ Նահանգներին դադարեցնել զինել Թայվանը և միջամտել Չինաստանի ներքին քաղաքականությանը, ճեպազրույցում հայտարարել է Չինաստանի ԱԳՆ Հյուսիսային Ամերիկայի և Օվկիանիայի դեպարտամենտի խոսնակը՝ ԱՄՆ պետքարտուղար Էնթոնի Բլինքենի Չինաստան այցից առաջ։
«Մենք կոչ ենք անում ԱՄՆ-ին դադարեցնել զինել Թայվանը, դադարեցնել միջամտությունը Չինաստանի ներքին գործերին և սկսել աջակցել Չինաստանի խաղաղ վերամիավորմանը», - ասել է դիվանագետը, որի խոսքը մեջբերել է Չինաստանի Կենտրոնական հեռուստատեսությունը։
Նա նաև նշել է, որ Թայվանի հարցը Չինաստան-ԱՄՆ հարաբերություններում գլխավոր կարմիր գիծ է, որը չի կարելի անցնել։