Գերմանիայի էկոնոմիկայի և էներգետիկայի նախարար Ռոբերտ Հաբեկն առաջարկել է Գերմանիայի փակ էներգետիկ օբյեկտներից բաժին հանել Ուկրաինային անհրաժեշտ սարքավորումները, հեռուստամարաթոնի ժամանակ ասել է Ուկրաինայի էներգետիկայի նախարար Գերման Գալուշչենկոն, գրում է «Ուկրաինսկայա պրավդան»։

Գալուշչենկոն նաև պարզաբանել է, որ Ուկրաինան մտադիր է օգտագործել դոնորների սարքավորումները, քանի որ բավականաչափ ժամանակ չունի էներգետիայի արտադրության ավերված օբյեկտների նոր մասեր պատվիրելու համար։

Ներկայումս հայտնի է, որ վնասված էներգետիկ ենթակառուցվածքի վերականգնման համար Լիտվան Ուկրաինային կփոխանցի Վիլնյուսի ՋԷԿ-ի և Իգնալինա ատոմակայանի սարքավորումների մի մասը։