Թուրքիայի մայրաքաղաքում հանդիպել են Թուրքիայի ԱԳ փոխանախարար Բուրաք Աքչափարը եւ ԱՄՆ Պետքարտուղի վարչական եւ քաղաքական հարցերով տեղակալի պաշտոնակատար Ջոն Բասը։

Թուրքական Milliyet–ի փոխանցմամբ՝ Բուրաք Աքչափարի եւ Ջոն Բասի հանդիպման ժամանակ գլխավոր հարցերը վերաբերել են Թուրքիայի նախագահ Ռեջեփ Թայիփ Էրդողանի՝ ԱՄՆ այցի նախապատրաստական աշխատանքներին։

Հանդիպման ժամանակ քննարկվել են նաեւ ԱՄՆ–Թուրքիա հարաբերությունների զարգացմանն ուղղված աշխատանքները, այդ թվում տնտեսական կապերի ամրապնդման հետ կապված։

Ավելի վաղ, Ջոն Բասը հանդիպել էր Թուրքիայի նախագահի արտաքին քաղաքականության եւ անվտանգության գծով գլխավոր խորհրդական Աքիֆ Չաղաթայի հետ։ Այդ հանդիպմանը ներկա է եղել նաեւ Անկարայում ԱՄՆ դեսպան  Ջեֆրի Ֆլեյքը։