Իսրայելը կարող է ապրիլի լույս 14-ի գիշերը Իրանի հարձակմանը պատասխանել նրա տարածքից դուրս հարվածով։ Պատասխանի ամենահավանական տարբերակի մասին պատմել է NBC News-ը՝ վկայակոչելով ամերիկացի պաշտոնյաներին։
Հեռուստաալիքի աղբյուրների համաձայն, քանի որ իրանական հարձակումը չի հանգեցրել համատարած ավերածությունների կամ քաղաքացիական բնակչության շրջանում զոհերի, Իսրայելը կարող է պատասխանել ոչ ագրեսիվ տարբերակներից մեկով՝ հարվածներ հասցնելով Իրանի սահմաններից դուրս։
Նշվում է, որ իսրայելական կողմի հնարավոր պատասխանը տատանվում էր ռազմական գործողությունների ամբողջական հրաժարումից մինչև Իրանի տարածքին հարվածներ հասցնելը:
ԱՄՆ երեք պաշտոնյաներ ասել են, որ տարբերակները կարող են ներառել հարվածներ Սիրիայի ներսում: Նրանք չեն ակնկալում, որ պատասխանը ուղղված կլինի Իրանի բարձրաստիճան պաշտոնյաներին, այլ ավելի շուտ, Իսրայելը կփորձի հարվածել զենքի պահեստներին:
