Հորդանան գետի արևմտյան ափին իսրայելցի վերաբնակիչների և պաղեստինցիների միջև բախումներ են տեղի ունեցել, որոշ վայրերում բռնությունները ուժեղացել են, հաղորդում են իսրայելական և պաղեստինյան լրատվամիջոցները:
Ըստ իսրայելական Times of Israel լրատվամիջոցի, բախումները տեղի են ունեցել այն բանից հետո, երբ Հորդանան գետի արեւմտյան ափին հայտնաբերել են 14-ամյա Բինյամին Ահիմեյրի մարմինը, ով սպանվել է Իսրայելի պաշտպանության բանակի տվյալներով՝ ահաբեկչության արդյունքում։
Հաղորդվում է, որ վերաբնակիչները մտել են Բեյթին և Դումա քաղաքներ, որոնք երկուսն էլ գտնվում են Ռամալլայի մոտ: Դումայում վերաբնակիչները մի քանի ավտոմեքենա են այրել։
Նախօրեին վերաբնակիչներն անկարգություններ են կազմակերպել ալ-Մուղեյիրում, հրկիզելով տներ և մեքենաներ, բախումներ առաջացնելով պաղեստինցիների և իսրայելցի զինվորների միջև, ինչի հետևանքով մեկ պաղեստինցի է զոհվել, տասնյակ մարդիկ՝ վիրավորվել։