ԱՄՆ Միջազգային զարգացման գործակալության (USAID) ղեկավար Սամանթա Փաուերը ասել է, որ ապրիլի 5-ին Բրյուսելում հայկական պատվիրակության հետ հանդիպմանը հաստատել է Հայաստանին աջակցելու ԱՄՆ հանձնառությունը, այս մասին գրել է X-ի իր միկրոբլոգում:
«Անցյալ շաբաթ Բրյուսելում ես վերահաստատեցի Միացյալ Նահանգների հանձնառությունը աջակցելու Հայաստանին, քանի որ այն խորացնում է իր ժողովրդավարական բարեփոխումները, ընդլայնում է իր տնտեսությունը և ձգտում է կառուցել ավելի պայծառ ապագա», - նշել է նա իր գրառման մեջ:
Հիշեցնենք, որ ապրիլի 5-ին Բրյուսելում Հայաստանի Հանրապետության վարչապետ Նիկոլ Փաշինյանը հանդիպել է ԱՄՆ Միջազգային զարգացման գործակալության ղեկավար Սամանթա Փաուերի հետ։