Սկսած 2018 թվականից Նիկոլ Փաշինյանի իշխանությունը շատ ավելի մեծ սպառնալիք  է հայկական պետականության համար, քան որեւէ այլ անձ կամ քաղաքական ուժ: Այս մասին NEWS.am-ի հետ զրույցում նշեց Արցախի ԱԺ «Արդարություն» խմբակցության ղեկավար Դավիթ Գալստյանը:

«Հաշվի առնելով, որ Նիկոլ Փաշինյանի բոլոր հարցազրույցները միտված են իր իշխանությունը երկարաձգելուն, նա ամեն ինչ բարդում է ուրիշների վրա եւ որեւէ բանի համար պատասխանատվություն չի կրում:

Արցախի թե ԱԺ-ն, թե իշխանությունը արդեն իսկ 6 ամիս է գործում է, օրենքների մեջ փոփոխություն է կատարել ԱԺ-ն, գործնական առաջարկներ է արել գործադիրը այս իշխանություններին: Ու 6 ամիս հետո Փաշինյանի կողմից նման հայտարարություն անելը միտված է մեղավորների փնտրտուքի: Հերթական անգամ իր զիջողական կեցվածքի մեղքը փորձում է կրկին արցախցիների վրա»,-ասաց նա:

Անդրադառնալով կառավարության նիստում Նիկոլ Փաշինյանի հայտարարությանը, թե ԼՂ-ից բռնի տեղահանված որոշ շրջանակներ անում են քայլեր, որոնք ապառնալիք են ստեղծում ՀՀ անվտանգության համար, Դավիթ Գալստյանն ասաց. «Նախ, դա ուղղված է թուրք-ադրբեջանական տանդեմին, որ տեսեք, ես հավատարիմ եմ իմ տված խոստմանը, Արցախի հարցը փակ է, անհրաժեշտության դեպքում ուժայիններին գործի կդնեմ, բոլորին կմեկուսացնեմ: Երկրորդն այն է, որ այո, իշխանությունները հերթական անգամ սպառնալիքի լեզվով են խոսում»:

ԼՂ-ից բռնի տեղահանված որոշ շրջանակներ անում են քայլեր, որոնք ապառնալիք են ստեղծում ՀՀ անվտանգության համար. Փաշինյան

https://news.am/arm/news/814850.html