Լիբանանի իշխանությունները բողոք կներկայացնեն ՄԱԿ-ի Անվտանգության խորհրդին՝ երկրի հարավում իսրայելական հարվածների առնչությամբ, որոնց զոհ է դարձել 18 խաղաղ բնակիչ։

Դրա մասին նշված է X սոցիալական ցանցում Լիբանանի դիվանագիտական ծառայության պաշտոնական էջում տեղադրված հաղորդագրության մեջ։

«Արտաքին գործերի նախարարությունը Նյու Յորքում ՄԱԿ-ում Լիբանանի մշտական ներկայացուցչություն է ներկայացրել բողոքի տեքստը, որը պետք է ներկայացվի Անվտանգության խորհրդին՝ երկրի հարավի համայնքներում բուժաշխատողների և քաղաքացիական անձանց վրա Իսրայելի հարձակումների վերաբերյալ»,- ասված է հաղորդագրության մեջ։

Գերատեսչությունն ընդգծել է, որ հատուկ ուշադրություն է դարձվելու Ալ-Խաբարիա, Ան-Նակուրա և Բաալբեկ բնակավայրերի վրա հարձակումներին, որոնց հետևանքով զոհվել է առնվազն 18 խաղաղ բնակիչ, նրանց թվում՝ բուժաշխատողներ։