25 տարի առաջ Ռուսաստանի Դաշնության առաջին նախագահ Բորիս Ելցինի վրա ազդեցության բազմաթիվ լծակներ կային, Ռուսաստանը կախվածության մեջ էր և կորցրեց իր ինքնիշխանության զգալի մասը, հայտարարել է ՌԴ նախագահ Վլադիմիր Պուտինը, տեղեկացնում է РИА Новости-ն։
«Դե, շատ լծակներ կային։ Ռուսաստանը բավականին թույլ վիճակում էր և կախված էր տարբեր տեսակի ֆինանսական գործիքներից ու մեխանիզմներից՝ քաղաքական և ներքաղաքական։ Այս առումով կարող ենք ցավով արձանագրել, որ Ռուսաստանն այն ժամանակ կորցրեց իր ինքնիշխանության զգալի մասը»,- ասել է նա Անդրեյ Կոնդրաշովի «Բելգրադ» ֆիլմում՝ պատասխանելով Կոսովոյից Ռուսաստանի դուրս գալու և Ելցինի վրա եղած ազդեցության լծակների մասին հարցին։
Այս տարի լրանում է 1999 թվականի գարնանը Հարավսլավիայի ռմբակոծության 25-ամյակը։
