ԵՐԵՎԱՆ, 25 ՀՈՒՆՎԱՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1759 թ. հունվարի 25-ին ծնվել է Ռոբերտ Բըրնսը՝ բրիտանացի (շոտլանդացի) բանաստեղծ, ֆոլկլորագետ (վախճ.՝ 1796 թ.):

-1835 թ. հունվարի 25-ին տեղի ունեցավ Վինչենցո Բելլինիի «Պուրիտաններ» օպերայի առաջնախաղը։

-1858 թ. հունվարի 25-ին առաջին անգամ կատարվեց Ֆելիքս Մենդելսոնի հանրահայտ «Հարսանեկան քայլերգը»:

-1922 թ. հունվարի 25-ին Երեւանում բացվեց Գաբրիել Սունդուկյանի անվան ակադեմիական թատրոնը:

-1938 թ. հունվարի 25-ին ծնվել է Վլադիմիր Վիսոցկին՝ ռուս բանաստեղծ, երգիչ (վախճ.՝ 1980 թ.)։

-1950 թ. հունվարի 25-ին ծնվել է Գուրգեն Խանջյանը՝ հայ արձակագիր, դրամատուրգ։

Հետաքրքրական է

«Քաջ Նազար»՝ Դերենիկ Դեմիրճյանի համանուն պիեսի հիման վրա 1940 թ. նկարահանված սեւ-սպիտակ ֆիլմ, որի ռեժիսորն Ամասի Մարտիրոսյանն է։

Նազարը վախկոտ մարդ է, սակայն բախտի ու հանգամանքների բերումով ձեռք է բերում անհաղթ հերոսի համբավ ու դառնում թագավոր։

Դերերում.

-Նազար՝ Համբարձում Խաչանյան,

-Ուստիան՝ Արուս Ասրյան,

-Սաքո՝ Ավետ Ավետիսյան,

-սենեկապետ՝ Միքայել Մանվելյան,

-թամադա՝ Լ. Մսրլյան,

-Ոսկան՝ Արամ Ամիրբեկյան,

-դասատու՝ Սամվել Մկրտչյան,

-քահանա՝ Ա. Ասլանյան,

-պալատականներ՝ Ա. Հարությունյան, Դավիթ Գուլազյան, Խաչատուր Աբրահամյան,

-իշխան՝ Ա. Տեր-Աբրահամյան։

Ա. Հ.