Երևանում՝ 11:07:36,   30 Հունվար 2023

Արցախում հովհարային անջատումները կիրականացվեն օրական 3 անգամ՝ յուրաքանչյուրը 2 ժամ տևողությամբ

Արցախում հովհարային անջատումները կիրականացվեն օրական 3 անգամ՝ 
յուրաքանչյուրը 2 ժամ տևողությամբ

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Արցախի ամբողջ հանրապետությունում հունվարի 25-ին, ժամը 02։00-ից հովհարային անջատումները կիրականացվեն օրական 3 անգամ՝ յուրաքանչյուրը 2 ժամ տևողությամբ։ «Արմենպրես»-ի հաղորդմամբ՝ այս մասին հայտնում են «Արցախէներգո» ՓԲԸ-ից: 

«Հաշվի առնելով  բնակչության արձագանքները և ջեռուցման համար հնարավորինս հարմարավետ ռեժիմ սահմանելու անհրաժեշտությունը, որոշվել է, պահպանելով հովհարային անջատումների օրական 6-ժամյա գրաֆիկը, անջատումներն իրականացնել ավելի կարճ տևողությամբ: 

«Արցախէներգո» ընկերությունը հայցում է բաժանորդների ներողամտությունը»,- ասվում է հայտարարության մեջ:

Ադրբեջանը դեկտեմբերի 12-ից մինչ այս պահը շարունակում է փակ պահել Արցախն աշխարհին կապող միակ մայրուղին՝ Լաչինի միջանցքը՝ բերելով կեղծ բնապահպանական պատճառաբանություններ։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]