Երևանում՝ 11:07:36,   30 Հունվար 2023

«Զանգեզուր TV»-ն այսուհետ հանդես է գալու «Սյունիք հեռուստաընկերություն» ապրանքանիշով

«Զանգեզուր TV»-ն այսուհետ հանդես է գալու «Սյունիք հեռուստաընկերություն» 
ապրանքանիշով

ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: «Զանգեզուր TV»-ն նախաձեռնել է ռեբրենդինգի գործընթաց և այսուհետ հանդես է գալու «Սյունիք հեռուստաընկերություն/Syunik.tv» ապրանքանիշով։ «Արմենպրես»-ի փոխանցմամբ՝ այս մասին նշված է Զանգեզուրի պղնձամոլիբդենային կոմբինատի տարածած հաղորդագրության մեջ:

«Ձագեձոր հեռուստաընկերություն» ՍՊԸ-ն 2017 թվականից տնօրինում է Սյունիքի մարզում վերգետնյա եթերային հեռարձակման լիցենզիան (2021-ից հանրային մուլտիպլեքսում շահել է Սյունիքի և Վայոց Ձորի մարզերում սփռման սլոթերի մրցույթում՝ լիցենզիաներ ԵՀ N 307 և ԵՀ 312 )։

2017 թվականից ընկերությունը հանդես էր գալիս «Զանգեզուր ՀԸ/ZTV» ապրանքանիշի ներքո։

Ընկերությունը տեղեկացնում է, որ նախաձեռնել է ռեբրենդինգի գործընթաց և այսուհետ հանդես է գալու «Սյունիք հեռուստաընկերություն/Syunik.tv» ապրանքանիշով։

Նշվում է, որ «Ձագեձոր հեռուստաընկերություն» ՍՊԸ-ն պատկանում է Զանգեզուրի պղնձամոլիբդենային կոմբինատին, ստեղծվել և ֆինանսավորվել է ԶՊՄԿ-ի կողմից։

Չնայած սրան` ZTV ապրանքանիշը ժամանակին գրանցվել է ԶՊՄԿ-ի հետ չառնչվող իրավաբանական անձի անվանումով և հանդիսացել է այդ ընկերության սեփականություն։ Ռեբրենդինգը պայմանավորված է նաև այս իրավաբանական խնդիրը շտկելու անհրաժեշտությամբ։

Նշվում է, որ ԵՀ N 307 և ԵՀ 312 հեռարձակման լիցենզիաների տիրապետող և նախկինում «Զանգեզուր ՀԸ/ZTV» անվան տակ հանդես եկող «Ձագեձոր հեռուստաընկերություն»- ը այսուհետ հանդես կգա Syunik TV ապրանքանիշի տակ, իսկ «Զանգեզուր հեռուստաընկերություն/ZTV» ապրանքանիշը և դրա անվան տակ հանդես եկող լրատվական հարթակներն առնչություն չունեն ԶՊՄԿ ՓԲԸ-ի հետ։

ԱՐՄԵՆՊՐԵՍ գործակալությունը պատասխանատվություն չի կրում այս բաժնում և ժապավենում տեղ գտած մամուլի հաղորդագրությունների բովանդակության համար։ Բաժնի նյութերի բովանդակության համար պատասխանատվությունը կրում է բացառապես մամուլի հաղորդագրության հեղինակը։ ԱՐՄԵՆՊՐԵՍԸ չի կարող համարվել պատասխանատու այս բաժնում հրապարակված հաղորդագրությունների հեղինակների կողմից ներկայացված տեղեկատվության անճշտությունների / սխալների համար։
ԱՐՄԵՆՊՐԵՍՆ իրեն իրավունք է վերապահում չհրապարակել այն հաղորդագրությունները, որոնք պարունակում եմ այլոց նկատմամբ վիրավորական արտահայտություններ, կամ մեղադրանքներ, կամ մտքեր, որոնք խախտում են Հայաստանի Հանրապետության Սահմանադրությամբ սահմանված այլոց իրավունքները։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]